大屿山週末轻鬆游 满足就係咁简单


2020-06-29


(Presented by Ngong Ping 360 Cable Car)

 

路线一: 昂坪市集 + 大澳日落 + 中秋花灯节

辛苦咗成个星期先等到星期六日放假可以唞唞,就梗係要轻轻鬆鬆嚟个小旅行出走放鬆下啦!近近地去一转大屿山玩番日影下相都係一个唔错嘅选择。嚟到大屿山想舒舒服服周围去玩,搭昂坪缆车先去昂坪市集,玩完再直落大澳是常识吧!

 

大屿山週末轻鬆游  满足就係咁简单
识玩就一定係搭昂坪缆车嘅水晶车厢,沿途睇到大自然360度靓景,仲可以睇埋脚下嘅昂坪栈道四周环境,景色一流。

 

昂坪市集慢活之旅

平日生活忙碌,惟有忙里偷闲周末去郊外游山玩水,过下写意人生。无论你係锺意蓝蓝绿绿嘅大自然定影相打卡,昂坪360都可以满足到唔同人士喜好!远离市中心,昂坪市集环抱大自然,环境清幽恬静,令人心旷神怡。大家可以轻鬆闲逛市集特色商店,仲可以击鼓祈求祝福,或者喺菩提树下许愿。畅游市集期间,拎定相机随行随拍纪录低属于你同另一半,或者同屋企人最温馨难忘嘅画面啦!

 

大屿山週末轻鬆游  满足就係咁简单
祝福鼓外形有啲似Q版长洲平安包,好有本土特色同亲切感。

 

大屿山週末轻鬆游  满足就係咁简单
菩提许愿树下手牵手,许下甜蜜承诺。

 

写意人生 见证明信片式大澳水乡日落

想360度玩转大屿山,可以去埋大澳水乡,由昂坪市集出发乘21号巴士,只需约20分钟就可以到达大澳,方便快捷。要享受人生,就唔可以错过每个机会欣赏靓景,去得大澳就当然要搵个靓位睇日落啦。大家只要校啱时间,就可以欣赏到好似明信片咁靓嘅大澳日落。其实喺大澳影日落真係有好多选择,不过首选一定係虎山同新基桥。

大屿山週末轻鬆游  满足就係咁简单
大屿山其实有好多鲜为人知嘅隐蔽靓景,等大家去逐一发掘㗎!

 

大屿山週末轻鬆游  满足就係咁简单
想影呢个虎山无敌Panorama醉人夕阳靓景,就要校啱时间啦!

 

大屿山週末轻鬆游  满足就係咁简单
想轻轻鬆鬆唔使行山都影到靓日落,新基桥就啱晒喇。

 

大屿山週末轻鬆游  满足就係咁简单
大澳夜景感觉宁谧,别有一番风味。

 

漫游大澳 体验独有节庆活动

就到中秋节,想感受节日气氛,唔一定要同人迫,喺大澳参加一年一度嘅「大澳水乡花灯节」。今年花灯节仲会有一个创举,就係有1,000个手绘灯笼贯穿整个大澳,咁大家就可以轻轻鬆鬆沿住成个大澳慢慢行,散住步欣赏中秋花灯啦。同场仲有4米长嘅大虾綵灯大型艺术装置展览,难得嚟到大澳又点可以错过,就算夜少少坐巴士返东涌市中心都值回票价啦!

 

「大澳水乡花灯节2019」

亮灯

大屿山週末轻鬆游  满足就係咁简单

大屿山週末轻鬆游  满足就係咁简单

大屿山週末轻鬆游  满足就係咁简单

 

路线二:畅玩昂坪市集+中秋Glamping赏月+大澳行山小游艇

 

至于好动嘅你,推介嚟大屿山搭昂坪缆车展开两日一夜玩乐旅程就满足到你嘅要求,畀你放电玩足一个周末。每个都市人都知星期六可以瞓到自然醒绝对係一件幸福嘅事,然后才施施然起身出发去玩就够晒舒服喇。

 

昂坪市集边食边玩

中午过后去到昂坪市集,当然唔少得要歎番个港式下午茶同埋出名嘅鸡蛋仔先啦,之后就再去埋市集内360 VR体验馆玩餐饱。

 

大屿山週末轻鬆游  满足就係咁简单
去到市集就梗係要食匀咁多款地道小食啦!

 

大屿山週末轻鬆游  满足就係咁简单
充满香港怀旧特色嘅360VR体验馆,畀你玩尽6种虚拟实景体验同多媒体互动游戏,以科技带畀你耳目一新嘅玩乐体验。

 

两手fing-fing去露营

如果从未试过喺郊外赏月,今个中秋节就建议试下两手fing-fing快闪去露营,赏月过一晚啦!今次推介地点就係YHA昂坪戴维斯青年旅舍(温馨提示:记得网上预订入住日期),距离昂坪市集、心经简林、天坛大佛等景点,只有5至10分钟路程,非常方便。呢个露营预订服务专为冇露营经验嘅你而设,畀大家唔使一袋二袋,毋须携带任何装备,轻轻鬆鬆体验野外露营同郊外赏月乐趣。想玩得豪华啲,可以一尝升级版豪华露营(Glamping),专为热爱大自然又想住得舒适的人而设。帐营备有枕头床铺、住客可无限次使用旅舍厨房及浴室,仲有Wi-Fi上网服务。生活起居所需用品齐全,保证可以轻鬆起行。

预订详情

 

大屿山週末轻鬆游  满足就係咁简单
帐营是欧洲流行的波希米亚风,十分有格调。

 

大屿山週末轻鬆游  满足就係咁简单
帐营晚景充满波希米亚风情

 

上山下海玩尽大澳

第二朝早起身,唞足精神直入大澳上山下海,第一站係位于大澳北面嘅虎山。搭巴士由昂坪市集去大澳,经永安街往杨侯古庙方向行,沿路小径虽有碎石但算轻鬆易行,大概45分钟慢慢就可以到达虎山观景台前一段小桥。虎山桥可以睇到整个大澳水乡同180度嘅无敌海景,同时能远眺另一边狮山象山景色。

 

大屿山週末轻鬆游  满足就係咁简单
大澳虎山係一条比较简单易行嘅行山路线

 

玩完陆上路线,下午当然要落埋海啦。大家不妨选择喺大澳坐小游艇出海,从海上角度欣赏返大澳嘅独特人文风光。

 

大屿山週末轻鬆游  满足就係咁简单
大澳水乡最好係下午去游玩
大屿山週末轻鬆游  满足就係咁简单
大澳水棚屋富有特色

 

昂坪360网站查询电话:3666 0606



上一篇:
下一篇: